影片
更多
2023-03-21
2981 浏览
相关食物：Ardbeg Wee Beastie 5 year old，Customized fresh fruit cocktail (日本柑）Butler 其实我唔系第一次去，今次系第二次，上次去咗去佢哋间6/F Whisky bar，无留意佢有两层，今次喺䢂就求其拣咗5/F，后尾先知原来呢层系Cocktail bar 但其实个装修系一样，两层都有cocktails, whiskies, 亦有嘢食（佢厨房喺6/F）所以相信唔使特别一定要去某一层讲返正题，今次重访就系因为上次感觉唔错，挂住佢哋个明太子意粉所以再访，点知今次体验好令人失望，夜晚大约7点上到去，本身打算拣食物再睇嘢饮，但喺睇紧食物menu之际，个bartender 就叫我哋睇饮品先，因为通常系叫咗drinks 先，食物要同厨房confirm 先得，咁我哋就听佢讲叫饮品啦，我哋两个人，一个叫cocktail，一个叫whiskey，两样都系佢recommend，cocktail 就系customized 当日水果（日本柑），whiskey 就介绍咗佢话新到嘅Ardbeg Wee Beastie 5y 饮品大约15分钟内到咗，但
Butler 其实我唔系第一次去，今次系第二次，上次去咗去佢哋间6/F Whisky bar，无留意佢有两层，今次喺䢂就求其拣咗5/F，后尾先知原来呢层系Cocktail bar 但其实个装修系一样，两层都有cocktails, whiskies, 亦有嘢食（佢厨房喺6/F）所以相信唔使特别一定要去某一层
讲返正题，今次重访就系因为上次感觉唔错，挂住佢哋个明太子意粉所以再访，点知今次体验好令人失望，夜晚大约7点上到去，本身打算拣食物再睇嘢饮，但喺睇紧食物menu之际，个bartender 就叫我哋睇饮品先，因为通常系叫咗drinks 先，食物要同厨房confirm 先得，咁我哋就听佢讲叫饮品啦，我哋两个人，一个叫cocktail，一个叫whiskey，两样都系佢recommend，cocktail 就系customized 当日水果（日本柑），whiskey 就介绍咗佢话新到嘅Ardbeg Wee Beastie 5y
饮品大约15分钟内到咗，但嘢食就话可能要耐啲，点知一等就成90分钟，其间有话要等多阵，又话因为厨房有啲嘢坏咗，到一个半钟后就话帮我哋取消咗先，因为厨房整唔到，我哋就话咁埋单先因为我哋未食饭，到张单嚟到真系惊吓，cocktail $178都算，single shot whiskey 收$250，两样都系menu 无写，即系仼佢噏，话收你$500 single shot 都仲得，重点系Ardbeg 呢款whiskey 出面卖紧一枝$4xx，系一枝！而家一啖收我$250（见图，图片系未饮过时影）！呢样真系唔合理，明白餐厅要赚钱一定系贵过自己买，但如果menu系写得清清楚楚，客人唔会咁不满，好似俾人呃咁，价钱任佢写（佢哋真系用手写单俾你，唔系入机，好怀疑佢系海鲜价！），加上佢哋本身系有每位$200 min charge，同每位$30 入座费，谂返起就更加觉得成件事好唔合理
而且佢哋仲要唔一早讲俾客人知无食物俾人，讲真呢个时间入座大部分系食晚饭，你90分钟先同人讲无，我哋走时都差不多9点，咁点解一开始迫人叫咗饮品先？谂返起真系觉得有啲存心欺骗成份，要人点都order 啲嘢，最后就算唔俾嘢食都至少收人200几先走到
今次真系感觉好差，后尾睇返其他人嘅reviews 先发现原来唔系净系我哋有咁嘅感觉，见到有唔止一个嘅客人都有同样感觉，有人又系”被”recommend off-menu 嘅嘢饮，之后收$350！而且又有啲等嘢食等好耐嘅经验
今次写得有啲长，不过希望将整个过程详细写出嚟等大家去之前要小心，如果真系想去试又唔想有俾人呃钱嘅感觉的话就要叫嘢小心啲，最好叫menu 上有价钱𠮶啲或者问清楚几钱先落单！
佢环境同食物系OK，但呢次经验真系令我好却步，虽然出去食嘢饮嘢两位$500几都预咗，唔贵，但搞到俾人呃咁真系唔好受！
Whisky方面，虽然店员讲到呢只好特别，但饮落一般，无特别惊艳
Cocktail方面，普通，其他bar都做到
题外话/补充资料：
总之最好问清楚价钱先叫，除非你预咗佢话几钱你都无所谓啦
(以上食记乃用户个人意见 , 并不代表OpenRice之观点。)
张贴
