影片
更多
2022-09-12
925 浏览
幸福小厨喺鸡地一条巷仔入面，出名炒饭够获气，铺头唔大，如果外卖自取，可以早少少打电话去落单。今日喺幸福小厨食早餐，最想系饮佢杯奶茶，奶茶茶底香浓，有水准，每个星期日朝早，饮到一杯，会觉得好圆满。早餐有多款选择，截早餐时间系11:45am，想食到早餐，就要预早少少，通常11:15就会多人啲，要等下位，都有机会要搭枱。叫咗一个鸡排肠仔公仔面 + 厚酱多 + 冻奶茶、火腿煎蛋通粉 + 厚奶油多 + 冻奶茶 、雪菜鸡翼公仔面 + 薄奶油多 +热奶茶。雪菜猪排面餐可以转鸡翼，唔需要加钱，好弹性～多士两面都有烘过，有厚同薄拣，可以拣果酱、花生酱、牛油同炼奶。厚多士有一吋厚度，系台式吐司𠮶种，呢度系港式版，唔系咁多茶餐厅可以食到厚多士。个人比较钟意热奶茶，因为饮到茶味浓啲，唔多奶，好浓郁。如果钟意甜啲嘅朋友，可以叫茶走，一样好饮。冻奶茶偏甜咗少少，饮唔到好香浓嘅茶味，但质地好滑身，少甜会好啲。鸡排肠仔公仔面，鸡排有两件，厚身，有腌过，唔会太咸，无雪藏味。肠仔无厨师肠咁咸，有煎过，好香口。雪菜鸡翼公仔面，鸡翼有3只，好入味，鸡皮煎得好香脆，唔会好干身，雪菜唔太咸，公仔面唔会好生，又唔会太淋，刚刚好。火
今日喺幸福小厨食早餐，最想系饮佢杯奶茶，奶茶茶底香浓，有水准，每个星期日朝早，饮到一杯，会觉得好圆满。早餐有多款选择，截早餐时间系11:45am，想食到早餐，就要预早少少，通常11:15就会多人啲，要等下位，都有机会要搭枱。
叫咗一个鸡排肠仔公仔面 + 厚酱多 + 冻奶茶、火腿煎蛋通粉 + 厚奶油多 + 冻奶茶 、雪菜鸡翼公仔面 + 薄奶油多 +热奶茶。雪菜猪排面餐可以转鸡翼，唔需要加钱，好弹性～
多士两面都有烘过，有厚同薄拣，可以拣果酱、花生酱、牛油同炼奶。厚多士有一吋厚度，系台式吐司𠮶种，呢度系港式版，唔系咁多茶餐厅可以食到厚多士。
个人比较钟意热奶茶，因为饮到茶味浓啲，唔多奶，好浓郁。如果钟意甜啲嘅朋友，可以叫茶走，一样好饮。冻奶茶偏甜咗少少，饮唔到好香浓嘅茶味，但质地好滑身，少甜会好啲。
鸡排肠仔公仔面，鸡排有两件，厚身，有腌过，唔会太咸，无雪藏味。肠仔无厨师肠咁咸，有煎过，好香口。
雪菜鸡翼公仔面，鸡翼有3只，好入味，鸡皮煎得好香脆，唔会好干身，雪菜唔太咸，公仔面唔会好生，又唔会太淋，刚刚好。
火腿煎蛋通粉，正常味道，煎蛋唔会过熟，令蛋黄完全熟晒。通粉系大粒少少嘅 size。
一个好食嘅早餐好重要，幸福小厨系地道啲同有人情味嘅茶记，不过铺头人手唔多，叫咗餐要等等先有。星期日食到幸福小厨嘅早餐，好满足～
张贴
