Supreme Steak & Grill

营业中

休息中

呢间餐厅平时都超级多人排队，今日见冇乜人排队终于可以入去试一试。价钱睇落非常亲民，西餐嚟讲系算系好平。我哋叫咗一个$60嘅叉烧饭，同埋一个大约$70嘅burger再加一个比目鱼饭。叉烧饭非常之香而且味道浓郁，叉烧唔会太韧，食过返寻味。加埋只温泉蛋，简直系绝配。另外个burger就不过不失，而且有好多薯条，份量非常之充足，burger入边𠮶块牛肉粒MIX埋蘑菇都几特别。最后个比目鱼饭，你会食到好新鲜比目鱼嘅口感好鲜甜而且外层煎到脆脆捞埋饭食真系都好特别㗎。呢间我会放喺我嘅必食list入边，因为环境好干净同埋枱同枱之间嘅距离都算阔，坐落都几舒服，同人倾偈都唔会太嘈吵。