緬泰皇宮

营业中

休息中

𠮶日男朋友生日，咁我就系屋企附近订咗间泰国餐厅。预订左七点钟，无奈准时到达但系要等人埋单先可以入座。咁礼拜日嘅繁忙时间都预左可能有呢个情况出现，咁我都觉得冇乜所谓啦，人哋餐厅都唔想嘅。咁如是者我哋等左15分钟啦，终于可以入座，由于我哋等入座嘅时候职员已经帮我地落咗单，我哋嘅食物亦都好快送到，食物质素不过不失，但略嫌唔够热。我地点左个两人餐食，份量都颇多，我哋食咗一半都未有，个职员已经问我洗唔洗上蛋糕，我见佢出边劲多人等紧，咁我就同男朋友尽量快啲食埋啲嘢。但后尾一上蛋糕之后，个职员已经急不及待想帮我地埋单，态度恶劣。最后同男朋友嘅用餐时间只系用咗30分钟，野都未食完，就俾人催住走咁，感觉真系好不满，见佢喺度催三催四，黑口黑面。最后我哋将所有嘅嘢打包攞走返屋企食。如果大家想慢慢地坐系餐厅食嘢，真心唔会推介呢一间，食个快餐都尚可接受。