影片
更多
2013-03-16
1075 浏览
我未写过食评都要开个ACCOUNT公开呢件前所未遇过嘅事!3月8号大概2：30PM 打算同妈咪去下午茶，因为平时去开个间附近大装修（在君傲湾），所以就去将军澳中心间海港。咁我地差唔多3PM 入去，妈咪就打算叫爹地3：30放工后黎JOIN，就同D知客讲话3位。我地如常点野食。到大概3：35PM，爹地打俾妈咪话放工，但佢拎住好多公司野，话唔黎饮茶。咁我妈咪就同其中一个黑衫员工讲话有一个人唔黎 （意思叫佢在将卡度减番个茶位），但个员工语气麻麻咁话 “我唔会同你减咖，你地咁样临埋单先话改做2位茶，唔会同你减” ，佢一路讲一路行开做其他野。我妈咪费事同佢嘈，觉得系佢特别麻烦先唔减。我妈咪跟住就揾第2个黑衫员工改茶位，今次呢个即刻删走1个茶位，签埋名。正当我地谈论紧第1个黑衫麻麻烦烦之际，头先改茶位的第2个黑衫行番黎，问我地系咪一开始讲左3位，我地话系，跟住佢讲话咁唔改得，我地无应佢，佢就望番第1个黑衫，第1个黑衫立刻走过黎话 “2位就一定要搭枱，3位就唔使搭。你地入黎时话3位，咁所以无搭枱，临埋单先话转2位就吾得。”你地入黎时知客有讲的。” (1：我地明明直入；2：如果有讲，知客会同我地讲我
我未写过食评都要开个ACCOUNT公开呢件前所未遇过嘅事!
3月8号大概2：30PM 打算同妈咪去下午茶，因为平时去开个间附近大装修（在君傲湾），所以就去将军澳中心间海港。
咁我地差唔多3PM 入去，妈咪就打算叫爹地3：30放工后黎JOIN，就同D知客讲话3位。我地如常点野食。到大概3：35PM，爹地打俾妈咪话放工，但佢拎住好多公司野，话唔黎饮茶。咁我妈咪就同其中一个黑衫员工讲话有一个人唔黎 （意思叫佢在将卡度减番个茶位），但个员工语气麻麻咁话 “我唔会同你减咖，你地咁样临埋单先话改做2位茶，唔会同你减” ，佢一路讲一路行开做其他野。
我妈咪费事同佢嘈，觉得系佢特别麻烦先唔减。我妈咪跟住就揾第2个黑衫员工改茶位，今次呢个即刻删走1个茶位，签埋名。正当我地谈论紧第1个黑衫麻麻烦烦之际，头先改茶位的第2个黑衫行番黎，问我地系咪一开始讲左3位，我地话系，跟住佢讲话咁唔改得，我地无应佢，佢就望番第1个黑衫，第1个黑衫立刻走过黎话 “2位就一定要搭枱，3位就唔使搭。你地入黎时话3位，咁所以无搭枱，临埋单先话转2位就吾得。”你地入黎时知客有讲的。” (1：我地明明直入；2：如果有讲，知客会同我地讲我地3个所以吾使搭枱？；3：点解2位一定要搭枱， 咩规例？我去过的连锁酒家都有得选择唔搭枱）
我同妈咪开始嬲嬲地佢D态度，讲到我地呃佢话3位，同埋佢好唔妥有人帮我地改番2位。我就话第3个可以黎咖，但佢5PM 黎。佢就话” 好呀，等埋食晚饭咁好呀，多谢晒先” 我就同佢讲话我会打去OFFICE投诉。佢仲系好吋咁回应” 多谢你送我一程㖞，我都想唔做好耐，真系好。” (佢系全程无企定但又在我地枱旁边不停近距离来回)
THEN,我妈咪过左收银处拎海港OFFICE电话，再去问呢个黑衫拎佢个名，佢俾左自己卡片出来，TITLE 系店长。我打去投诉期间，佢又行过黎枱叫我地TICK多D野食，慢慢等到晚饭。我同电话中OFFICE的职员讲话个店长又走埋黎撩交嗌，佢都觉得好莫名其妙。个店长继续讲野，话自己一个月做几百万生意好忙好吾得闲。我妈咪本身同地产AGENT讲紧电话，但见佢死CHER住我地唔放，就同佢讲” 我宜加系2个咖啦，可以搭枱咖，但无人搭，再吾喺不如你坐落黎搭。”而我继续同紧OFFICE职员讲紧件事嘅发展（亦因为我都费事理个店长，虽然差唔多4PM，但周围有人）
大概4PM，突然间个店长著左件灰外套坐落嚟开单开位开茶（搭枱！当时D枱 8成吉），当时我妈咪仲讲紧电话，我即刻同OFFICE职员讲个店长坐埋落黎，我要影相后再打俾佢。 佢面懵懵俾我影完几幅相后揾左份报纸睇 （遮面），我妈咪倾完电话后同我坐左去隔黎张吉枱 （当时D枱 8成吉）跟住个服务态度”一流”嘅店长无再出过声，我同妈咪饮多几杯茶都埋单走了～
另外，我3月8日投诉完，海港OFFICE答应话会3月11日覆我，但呢2日都无覆，写上网实际D！
张贴