影片
更多
2024-03-03
322 浏览
今次系我第二次去呢间法日fusion餐厅Gaijin食晚餐，整体晚餐质素同水准都好差，同第一次去食个质素差好远。如果我用分数形容质素，第一次我俾9/10，今次我俾3/10，唔会再帮衬。当我12月中考虑紧订边间餐厅同女朋友食平安夜晚餐嘅时候，因为我收到Gaijin嘅WhatsApp讯息推广节日晚餐同早鸟优惠，又话12月会有曾经喺多间米芝莲餐厅任职嘅厨师加入，都几吸引，所以我同女朋友决定去多次Gaijin食晚餐。**食物**首先前菜系香煎带子配三文鱼子佐甜椒汁同和风牛肉他他配味噌蛋黄汁。酱汁太浓味，遮住咗带子本身嘅鲜味。牛肉有筋，咬唔开。其次餐厅系南瓜忌廉汤配面包，个汤同面包都唔错。然后主菜我哋叫咗北海道松叶蟹肉意大利饭同宝云酥牛柳配砵酒汁佐杂菌蓉及法边豆。饭冇乜蟹肉，酱汁多于一切，又系太浓味。宝云酥牛柳好冧，但质素属于普通。整体两款主菜冇乜惊喜。最后甜品系圣诞树头蛋糕，蛋糕的确卖相唔错，但系食落真系好干，完全唔好食。我见到枱附近几枱客食咗几啖都冇食到，净咗好多。**服务**佢哋WhatsApp有提及到几个月前人手唔够，去到平安夜𠮶晚，佢哋楼面嘅人手都系唔够，甚至我觉得啲侍应完全唔专业，好
当我12月中考虑紧订边间餐厅同女朋友食平安夜晚餐嘅时候，因为我收到Gaijin嘅WhatsApp讯息推广节日晚餐同早鸟优惠，又话12月会有曾经喺多间米芝莲餐厅任职嘅厨师加入，都几吸引，所以我同女朋友决定去多次Gaijin食晚餐。
**食物**
首先前菜系香煎带子配三文鱼子佐甜椒汁同和风牛肉他他配味噌蛋黄汁。酱汁太浓味，遮住咗带子本身嘅鲜味。牛肉有筋，咬唔开。
其次餐厅系南瓜忌廉汤配面包，个汤同面包都唔错。
然后主菜我哋叫咗北海道松叶蟹肉意大利饭同宝云酥牛柳配砵酒汁佐杂菌蓉及法边豆。饭冇乜蟹肉，酱汁多于一切，又系太浓味。宝云酥牛柳好冧，但质素属于普通。整体两款主菜冇乜惊喜。
最后甜品系圣诞树头蛋糕，蛋糕的确卖相唔错，但系食落真系好干，完全唔好食。我见到枱附近几枱客食咗几啖都冇食到，净咗好多。
**服务**
佢哋WhatsApp有提及到几个月前人手唔够，去到平安夜𠮶晚，佢哋楼面嘅人手都系唔够，甚至我觉得啲侍应完全唔专业，好似好多都系新人。
我订咗位，我哋上到去要企喺度等多1分钟先有侍应招呼我哋，安排位置𠮶位侍应又唔清楚我哋应该要坐边。传菜过程中，侍应完全唔会同你讲呢道系咩菜式，粒声唔出放喺我哋枱面就走咗，放低𠮶阵时撞到枱面啲餐具佢哋都冇反应。
最搞笑系上甜品𠮶阵时，唔俾餐具，净系举手想问佢哋攞返餐具，都起码要等多2分钟先有第一个侍应见到我哋举手，但系佢自动波走咗去收银机度出单，我哋再揾第二个侍应先俾到餐具我哋，完全一啲歉意都冇，放低就走咗。唔够1分钟，刚才𠮶位侍应拎住张单过嚟叫我俾钱，我哋问返佢几时要求过埋单？佢就咁答我因为出咗单，所以要求我即时埋单冇得一阵俾，我甜品都未食，佢都要求我即刻俾钱先，有冇搞错？
**总结**
食物平平无奇，咁嘅质素甚至我觉得有啲浪费紧食物，人均HKD 500食啲咁嘅嘢，其实都唔平，𠮶啲HKD 500二人餐餐厅可能仲煮得好食过Gaijin。成餐服务安排都好求其，餐厅又冇留意服务细节，仲系唔系叫fine dining呢？
张贴
