舍利鮨 (已結業)

今日男朋友早放就带咗我去元朗嘅舍利鮨度食omakase! 呢度啲食物全部都系新鲜食材，全部菜式都系因应当日嘅新鲜食材去提供！我哋今日就食咗个金目鲷寿司！佢非常之有光泽，咬落去亦都好有鱼嘅鲜味！仲有个左口鱼矶边卷，非常晶莹通透，简直成嘅艺术品咁，同样非常好食😋而一夜干香鱼亦亦都好好食😋炸得好香脆好干身，肉质非常之嫩滑！不得不提嘅系仲有呢个深海池鱼寿司，非常之厚身不特止，仲要系鱼腩嘅部位，充满左池鱼既油脂，完全入口即溶，齿颊留香！入口即溶嘅点止系呢个深海池鱼寿司呀，仲有呢个中拖罗，佢虽然系野生吞拿鱼，但系一啲都唔输蚀一啲有机饲养既吞拿鱼，一样非常之肥美可口！食到我同男朋友都哗哗声！