星廚 (已搬遷) 新店位置

由于公司起荔枝角附近，所以平时都会同同事起长沙湾元州邨附近食lunch，而呢间餐厅嘅lunch我都食过好多次，觉得价钱合理而且质素非常好，所以今晚老公难得接我放工，我就带老公黎试下呢度嘅晚餐啦．晚餐选择种类多，有前菜，主菜，甜品。我系一个海鲜后，所以凡系鱼虾蟹我都好钟意食，老公就帮我点咗个芝士焗蟹盖，金黄色又胀卜卜的焗蟹盖外表已经非常吸引，蟹盖入面有好多材料，金黄色的芝士味道香浓，入面仲有好多蟹肉，而且蟹肉鲜甜。之后我地再叫左个香煎美国谷饲法式猪扒１３８，猪扒外层香口，有淡淡的炭烧味，入口松化，保留住肉汁，个配汁原来系餐厅自己调制，我见到有水蜜桃肉粒混埋起汁入面，微微既果香味配埋个猪扒，竟然好夹，感觉唔会好饱济。至于甜品，我就点左意大利奶冻，老公就要咗tiramisu。意大利奶冻上台时，已经见到舖满咗云尼拿籽，一入口非常滑溜，奶味香浓，最啱我呢d钟意重奶味嘅人。至于老公点果个tiramisu，我试咗几啖，觉得都好好食，味道唔会太甜，饼底有香浓嘅咖啡味，而且仲有淡淡嘅酒香，连我老公本身麻麻地钟意食甜品既人都觉得呢度嘅tiramisu 做得好出色。