囍囍 (已結業)

今晚同小朋友去咗西环探完朋友经过呢间粤式小馆, 见佢门口靓靓又干净便二话不说入咗去医肚。其实我地都吾知食咩好, 大少又腌尖, 又要迁就细少和大小姐两位小朋友的喜好, 于是叫咗个清清甜甜的蜜饯鸡翼和酸酸甜甜的杭州排骨, 两样菜式𩠌饭一流, 两个小可爱争住食, 食饭都快咗好多。大少喜欢食鱼, 便叫了个银萝鲜菌浸龙趸腩窝, 龙趸鲜滑肉嫩, 个窝重有阵阵黑椒和白萝卜香味, 好味到连汤都饮埋。而我最爱饮汤, 见到呢度出名老火汤, 于是我便叫了一盅杏汁花胶白肺汤, 这汤有浓郁的杏仁味, 而花胶和白肺份量十足, 还加了原只鸡脚和猪骨去炖汤, 无味精无添加, 原汁原味, 饮完真系好润好满足。估吾到入到这小小餐馆任点几样都已经好有水准, 而且四个人食, 埋单都只系三百几, 真系值得推介俾大家啦！