Pizza Piazza (裝修中)

位于长沙湾道近荔枝角站有一座美食林立嘅亿利工业中心，今日天寒地冻懒得上楼，所以就帮衬位于地下嘅呢间Pizza Piazza。餐厅内嘅装修非常简洁，通道亦够宽敞。等咗一阵，职员送上三个餐牌，分别系主餐牌、饮品餐牌同午餐餐牌。因为正值午餐时间，所以就决定点一个午餐食。点餐后，职员先送上餐汤，是日餐汤系南瓜汤。跟住就到主餐，我点咗龙虾意大利饭，餐牌上已经注名咗呢一个意大利饭系带辣味，果然辣味系主要嘅味道。呢个龙虾意大利饭有好多只小龙虾，因为size比较细，我冇特别数，但应该大概有20粒，非常抵食！另外餐饮我要热朱古力，呢度嘅热朱古力会加cream，店员好用心咁为我呢杯热朱古力唧cream，再洒上朱古力粉，所以制作需时。搅匀忌廉之后，就见到呢杯浓浓嘅朱古力，为严寒嘅天气加添一点暖意。