影片
更多
2024-11-03
103 浏览
上排过著忙到只要求”果腹”续命嘅生活，忙完过后终于变返正常，同事加友人就即刻话要食返餐好嘅，放工后就黎咗呢间食潮菜。呢到环境布局优雅，有圆枱/卡位，亦设有独立房间，无论几多人组合都适合。安排坐卡位，够宽敞舒适，侍应先送上功夫茶作welcome drink，仲有菜脯及脆花生作小食。踏入初秋，梗加想多一点汤水，呢度嘅汤羹类以位计，可以各色其式。我就钟情呢客老菜脯炖猪肚 ($78)。打开盖见到烟飘出黎，热度十足。材料丰富，有几件猪肚，入口够腍无异味; 深色嘅老菜脯入口唔咸，汤嘅味道带点胡椒味，少少香辣味，饮完有些少暖胃感觉。而友人想饮清淡少少，火腿护国菜 ($78)就岩佢啦。以前传统上系以(鸡油猪油)高油性封面，依加迎合健康饮食都会少油，以蕃薯叶打烂成蓉，入口比较清淡。呢客汕头煎蚝烙 ($128)，出镜率相当高，分别送上鱼露及胡椒粉伴食。边位煎得金黄香脆，中间部份满布蚝仔，只只都饱满，沾D鱼露加胡椒粉趁热食，正正。香口嘢唔好比佢停，黎多客普宁豆腐 ($98)，一客有12件，相当抵食。香炸至金黄色，外型似炸鱼片头，点埋个葱醋汁食，外脆内有豆腐嘅豆香味及嫩滑口感。去食潮菜多数食卤水嘢，见餐牌上有
呢到环境布局优雅，有圆枱/卡位，亦设有独立房间，无论几多人组合都适合。
安排坐卡位，够宽敞舒适，侍应先送上功夫茶作welcome drink，仲有菜脯及脆花生作小食。
踏入初秋，梗加想多一点汤水，呢度嘅汤羹类以位计，可以各色其式。我就钟情呢客老菜脯炖猪肚 ($78)。打开盖见到烟飘出黎，热度十足。
材料丰富，有几件猪肚，入口够腍无异味; 深色嘅老菜脯入口唔咸，汤嘅味道带点胡椒味，少少香辣味，饮完有些少暖胃感觉。
而友人想饮清淡少少，火腿护国菜 ($78)就岩佢啦。
以前传统上系以(鸡油猪油)高油性封面，依加迎合健康饮食都会少油，以蕃薯叶打烂成蓉，入口比较清淡。
呢客汕头煎蚝烙 ($128)，出镜率相当高，分别送上鱼露及胡椒粉伴食。
边位煎得金黄香脆，中间部份满布蚝仔，只只都饱满，沾D鱼露加胡椒粉趁热食，正正。
香口嘢唔好比佢停，黎多客普宁豆腐 ($98)，一客有12件，相当抵食。
香炸至金黄色，外型似炸鱼片头，点埋个葱醋汁食，外脆内有豆腐嘅豆香味及嫩滑口感。
去食潮菜多数食卤水嘢，见餐牌上有豆酱焗嫩鸡 ($198)，就想试下。
以瓦煲上枱，可保持原煲热度。只鸡有几大从只鸡翼大少已知一二，鸡件斩成细件，方便容易挂汁入味，系做到嘅，食到豆酱嘅咸香味，酱汁上有层油，若然少油会仲好，可以用黎捞白饭食。
炒菜都要选择带点潮汕味，点客方鱼炒芥兰 ($138)。方鱼入口卜卜脆，芥兰应该选用芥兰苗，每条都清脆无半点渣，入口食到清甜芥兰味，对得住呢口价。
无限用餐时间，今餐可以慢慢食慢慢叹。
张贴
