令酒場 (已結業)

今日lunchtime多佐时间，即刻同同事黎呢度试下，一直被呢度居酒屋咁既装修吸引住，入到黎真系好有feel，好似去佐日本咁呀！同事食温泉蛋火山牛肉丼，牛魔王至爱！成碗都净系见到满满既烧牛肉，非常重手，每块厚薄适中，粉嫩既牛肉食落口系软腍既，渗出阵阵牛味，肉香十足，加埋粘口新鲜既温泉蛋，再配埋酱汁，简直系一大享受呀😚我就食食角切鱼生丼，食到有赤身、三文鱼、剑鱼腩、金目鲷、深海池鱼、油甘鱼同埋三文鱼籽，角切更加食到鱼肉新唔新鲜，鱼肉肉质相对系厚实有口感啲，但都系好香鱼既鲜味，亦食到应有既鱼油，三文鱼籽粒粒一咬就卜卜声，新鲜到爆，质素超好🥰我地亦有叫到一客焦糖脆皮菠萝，菠萝真系烧到好脆，表面好焦香，一咬落去必晒啲汁出黎，超级清甜，爽甜甘香呀😋套餐包埋既沙律茄子同面豉汤都好唔错，绝对值得回头呀！