越味屋

营业中

休息中

以前做外卖店𠮶阵都几好食，都成日帮衬，因为几有越南风味，法包系非常出色。自从转左入铺，食过几次，但好可惜系越嚟越差。最后一次帮衬嗌咗杂锦汤河，食过好多次贪佢咩𩠌都有，而当中一直都系有正常鸡丝，呢次好特别，竟然求其比旧烧味嘅油鸡我，系真系烧味舖嘅豉油鸡，咁我问声楼面点解鸡丝会变咗油鸡，你哋餐厅冇油鸡㗎㖞，佢话来货转左系咁。我当中咗伏算，呢间舖头应该出咗啲问题。事后有喺西裕街红叶见到该楼面番工。另外转咗入舖黎超多蚊滋乌蝇一直冇改善。好可惜睇住一间钟意食嘅铺头变化，其实都几灰。自从呢次我放弃咗呢间越南餐厅。建议大家想食嘅话，最好嗌外卖，落定单先，如果唔系门口会等到你俾嘢咬脚痕。