煌成燒鵝

营业中

休息中

前两日特登去坚尼地城海旁个到打卡，打完卡见肚饿，就求其入咗一间餐厅食嘢，咁就嗌咗个烧腩烧鹅饭，卖相又平平无奇，仲以为正常，一食就知出事，我平时食饭无影相嘅习惯。一食啲烧腩就觉得好奇怪，点解得d酱嘅味道？再食埋个烧鹅，都系无味，我个下仲以为系我条脷无味，饮翻啖柠茶，甜架㖞，再食啲烧腩同烧鹅，又真系无味㖞，净系得d肉嘅质感同d酱味，连烧腩皮都系冧嘅，都唔知摆咗几耐。间餐厅又好唔卫生，见到有只蚂蚁系张枱到爬，我知系食肆见到好正常，但至少都唔好比我见到啊🙏🏻而且仲见到个女人好寸寸共，似系老板娘，听唔清楚讲咩，反正就系到寸紧个客，净系记得个客话老板娘大晒咩，之后冇食就走咗。呢间真系要落入黑名单，以后唔会再嚟。