影片
更多
2013-09-15
378 浏览
估唔到我既第一篇食评, 会系"数"一间我只系第一次帮衬既舖头 ... (一直都觉得就算唔啱胃口, 唔再去食就可以啦, 留返条后路俾人地啦~口味依啲嘢 ... 好个人既啫)事缘某日喺红磡买咗灯笼, 考虑到放工时间人多车多, 唔想因为迫人而压烂心爱既战利品, 所以决定先解决晚餐, 避开人流。然后, 见到依间舖头舖仔细细, 又冇靓靓装修, 位处既地段旺中带静, 闲日开饭时间附近都有好多食肆小猫3,4只, 唯独你, 竟然接近满座, 而最特别既地方, 系收费一啲都唔平, 仲要加一, 会唔会系一间有待被发掘既隠世小店嚟呢~?喺门口睇MENU睇价钱顺便望吓入面个女仔食紧咩咁滋味既时候, 有另一个女仔都同我一样观察紧, 原本喺店内既姐姐主动行出嚟, 话可以外卖架㖞, 跟住个女仔就入咗去 ...... 见到个女仔睇咗一阵就去马, 有番少少信心, 咁我都堂食啦。 拎住一个咁大既灯笼, WAITRESS指示我坐最入既BAR枱位 (因为间舖真系好细, 长条形, 一边系OPEN KITCHEN, 另一边有3X2张双人枱, 2张BAR枱 (门口系落地玻璃打横放咗一张BAR枱, 最入既BAR枱左边就系杂物房同埋洗手
事缘某日喺红磡买咗灯笼, 考虑到放工时间人多车多, 唔想因为迫人而压烂心爱既战利品, 所以决定先解决晚餐, 避开人流。然后, 见到依间舖头舖仔细细, 又冇靓靓装修, 位处既地段旺中带静, 闲日开饭时间附近都有好多食肆小猫3,4只, 唯独你, 竟然接近满座, 而最特别既地方, 系收费一啲都唔平, 仲要加一, 会唔会系一间有待被发掘既隠世小店嚟呢~?
喺门口睇MENU睇价钱顺便望吓入面个女仔食紧咩咁滋味既时候, 有另一个女仔都同我一样观察紧, 原本喺店内既姐姐主动行出嚟, 话可以外卖架㖞, 跟住个女仔就入咗去 ...... 见到个女仔睇咗一阵就去马, 有番少少信心, 咁我都堂食啦。
拎住一个咁大既灯笼, WAITRESS指示我坐最入既BAR枱位 (因为间舖真系好细, 长条形, 一边系OPEN KITCHEN, 另一边有3X2张双人枱, 2张BAR枱 (门口系落地玻璃打横放咗一张BAR枱, 最入既BAR枱左边就系杂物房同埋洗手间), 仲主动叫我放啲嘢系隔离既椅上面, 话冇人会行过, 唔驶怕会阻到人 (抵赞位之一!!)。
坐低咗, 选择困难症发作, 又睇吓其他人食咩参考吓先~ 系睇唔到既, 因为附近既枱都系啱啱坐低ORDER紧... 既然嚟到, 择个中价既DINNER SET应该几保险, 于是我择咗香草海鲜黑松露意大利面, 餐饮热薄荷朱古力咖啡 HOT MINT MOCHA (平日例饮既热柠水同黑松露唔系好夹, 不如试下特别少少既咖啡啦, 谂紧MINT LATTE定MINT MOCHA边样好, 但听到隔离枱冇仔细谂就叫MINT MOCHA, 好, 照跟) (抵赞位之二!! 我谂咗咁耐都冇人催我)。 .............
等咗一阵, 先嚟意粉, 足料, 有一块鱼柳, 一只青口, 三只蝴蝶虾, 卖相都唔错, 份量一般 ......... 不过味道呢 ......... 鱼同意粉都带有轻微甜味, 好怪, 浆汁食唔出黑松露, 亦都睇唔出食唔出任何"香草", 意粉系OVERCOOKED, 浆汁同意粉既比例系OK既, 不过因为味道实在好怪好浓 (但唔系黑松露既味嚟), 所以多汁少汁口感如何份量几多已经唔系重点, 我都只系勉勉强强咁完成佢唔好浪费 (我食咗好耐 ....... )
意粉食到一半既时候, WAITRESS主动上埋咖啡 (基本上只有3个员工, 一个厨, 一男一女两个楼面), 上菜既时间都掌握得几好。杯咖啡闻落去都OK, 有咖啡味同朱古力味。继续食意粉先。 好不容易挨完个意粉, 谂住饮得杯落啦, 点知 ......... 薄荷淡到似有还无, 咖啡冇咖啡味 (只有苦味), 朱古力无可可味 (只有甜味), 饮到最后, 回甘薄荷味终于出到, 唉 .....
然后埋单, 盛惠$103, 我俾咗$110, 阿叔找返$4俾我 (士多式既方法, 亲手将两个$2 COINS放到我手掌), 咦.......... 好似唔啱数㖞, 我唔介意俾贴士, 但我介意我系咪自愿啰, 最后, 我系冇俾贴士。结论, 依间舖, 服务一流, 不过咁既地区咁既出品唔值依个价, 味道方面绝对有需要改善。
张贴
