姚姚酸菜魚 (青衣城1)

营业中

休息中

今日喺青衣城行街，到食晚饭时间，又出动揾野食，见到有间以粉篮色做主题嘅食店，比佢吸引住，原来呢间系食酸菜鱼，见到门口poster食酸菜鱼有半价优惠，就一于入去食晚饭。姚姚酸菜鱼，呢间主打酸菜鱼，紧系叫黎呢款啦，佢有好多选项比客人简都几贴心，可以少油，少盐，少麻，我地就叫咗少辣，上枱果时个size都几大，用火炉庆住，所以食到尾都可以keep住热辣辣嘅温度，d鱼片份量都几多，食落好嫩滑，个汤底酸辣味适中，d鱼片吸晒d酸辣味，好开胃，而d酸菜好爽口，越食越想食。麻辣香锅，最少叫5个配菜，我地就叫咗猪肠，蒿笋，鱿鱼须，嫩牛肉，牛栢叶，个香锅卖相都好吸引，一大盘辣椒，但唔算太辣，因为我地叫咗小辣，d配菜每样都入晒味，麻麻香香，非常惹味。手打柠檬茶，食辣野唔少得涷饮啦，叫咗而家好hit嘅手打柠檬茶，都好多柠檬，都好足料，甜甜酸酸，都几解辣。