茶木‧台式休閒餐廳 (已結業)

新年期间，好多食店都无开，又唔想留系屋企食，咁就黎左新元中新开嘅茶木试下，等左个半钟先有位，认真夸张！等等等，睇定餐牌先，甜品依然吸引，都系要叫番个。终于有位，坐系路边嘅一张两人枱，都算几濶。餐具几干净点完菜会送上呢个，几cute又唔使惊张单周围飞。苹果黑莓花茶 ($32)苹果同黑莓味较淡，倒是饮到啖啖玫瑰花茶味。香蕉巧克力冰淇淋 ($32)好重香蕉味，朱古力味不浓，云呢拿味雪糕几滑，但整杯野极甜。古早烤香肠肉燥饭 ($58)肉燥半肥瘦带有香菇，调味不错，煎得香脆的台湾香肠好好味，唯份量较少。黑糖红豆绿茶冰淇淋层层叠 ($70)最期待嘅甜品到了，卖相不错。层层叠原来唔系平时个只蜜糖砖，无左面包边得返中间啲面包心，甜甜的好食。雪糕绿茶味唔重，红豆好绵好甜，几好食。个半钟进食时间其实都够，食左一个钟倒咋，见出面仲系咁多人等位，早啲让返张枱出黎。