影片
更多
2024-07-27
5521 浏览
近来北上揾食成风，加上又到暑假，见到好多酒店嘅自助餐都推出好多优惠吸客。今晚嚟到尖沙咀「港青」嘅「再临阁」餐厅食自助晚餐，又可以大擦一场。因为之前都嚟过，佢哋嘅刹食位喺环境，餐厅嘅座位绝大部份都喺挨窗，而落地大玻璃窗外嘅景正正喺对住文化中心或1881，景观极之开扬，今次早嚟到，仲睇到少少黄昏景致。整个场地嘅布局都算几归一，一入门口右边就喺食物区，顺路直入，左右两边摆放晒各款食物，唔会东一忽，西一忽。而呢期自助餐嘅主题喺「仲夏情迷法越夜」，顾名思义，主打喺啲法国同越南菜式，相信好多人都钟意。价钱方面，平日成人嘅原价要$668，不过，实际喺有6折，折实咗收$468。沙律、生果、冷盘小食自助沙律吧有两款沙律菜、10多款配料、5款酱汁，唔算好大阵容，亦喺常见嘅款式。反而，亮点晌几款预制好嘅沙律：越式烧猪颈肉沙律、越式扎肉凉伴檬粉、越式猪肉碎沙律伴七彩虾片。此外，仲有好多款的的骰骰嘅冷盘小食，卖相吸引；而近门口嘅甜品区放有4款新鲜生果，正好为小弟嘅头盘DIY加多几分健康。先登场喺砌咗一大碟「头盘」，将上述嘅沙律、生果、冷盘小食样样执啲。啲沙律菜、生果确喺新鲜，预制好嘅沙律都亦有特色，试咗3款冷盘
因为之前都嚟过，佢哋嘅刹食位喺环境，餐厅嘅座位绝大部份都喺挨窗，而落地大玻璃窗外嘅景正正喺对住文化中心或1881，景观极之开扬，今次早嚟到，仲睇到少少黄昏景致。
整个场地嘅布局都算几归一，一入门口右边就喺食物区，顺路直入，左右两边摆放晒各款食物，唔会东一忽，西一忽。
而呢期自助餐嘅主题喺「仲夏情迷法越夜」，顾名思义，主打喺啲法国同越南菜式，相信好多人都钟意。价钱方面，平日成人嘅原价要$668，不过，实际喺有6折，折实咗收$468。
沙律、生果、冷盘小食自助沙律吧有两款沙律菜、10多款配料、5款酱汁，唔算好大阵容，亦喺常见嘅款式。反而，亮点晌几款预制好嘅沙律：越式烧猪颈肉沙律、越式扎肉凉伴檬粉、越式猪肉碎沙律伴七彩虾片。此外，仲有好多款的的骰骰嘅冷盘小食，卖相吸引；而近门口嘅甜品区放有4款新鲜生果，正好为小弟嘅头盘DIY加多几分健康。
先登场喺砌咗一大碟「头盘」，将上述嘅沙律、生果、冷盘小食样样执啲。啲沙律菜、生果确喺新鲜，预制好嘅沙律都亦有特色，试咗3款冷盘小食，当中嘅法式牛脷冻同越式大虾薯仔沙律有意外惊喜。食罢大有开开胃之效，等阵就可以食多啲嘢。
冻海鲜盘、冻肉盘虽然无生蚝供应（热盘有焗蚝），但所提供嘅冻海鲜有松叶蟹脚、龙虾钳、面包蟹、波士顿龙虾、大蚬、龙虾仔、熟虾及青口，再佐以几款汁酱，如辣椒豉油、咯嗲汁、泰式沙律汁及柠檬角。冻肉盘𠮶边，就有莎乐美肠、烟三文鱼同无骨黑椒猪柳。
带住回本心态，食冻海鲜喺走唔甩嘅选项，又喺砌咗一大碟冻海鲜加冷切肉返嚟，质素算唔错，波士顿龙虾啲虾肉好爽弹，仲要有咁多膏添，啲龙虾钳最讨人心，因为拆咗半壳，一拉出嚟就有得食，熟虾亦非常之鲜甜。另外，搭单夹咗件南京盐水鸭，嫩滑咸鲜㖞，好食。
餐汤、面包篮、芝士拼盘跟住落嚟介绍下餐汤，一般自助餐都会供应一款中汤，一款西汤，呢度就有木瓜排骨汤同甘笋忌廉汤，而面包篮内有多款软包、硬包。此外，仲有法式蒜茸多士同法式肝酱配法包。芝士方面，都提供有成4款，包括蓝芝士、高达芝士、金文毕芝士及车打芝士，呢几款芝士我都好钟意食。
食完两轮都喺冻嘢，喺时候饮少少热汤暖番个胃，小弟今次无饮西汤，改试啲中汤，再配金文毕芝士拉蒜蓉多士、法式肝酱拼法包。个中汤几够老火，味道清甜，啲蒜蓉多士本身就脆口好食，加埋啲芝士，就更加正啦。
刺身、寿司、越南米纸卷食自助餐好就好在多嘢拣，但始终都试唔得晒所有嘢，总要有取舍。刺身、寿司、越南米纸卷今次虽然无试，但睇落啲质素唔错，友人试咗就话几好食，尤其啲米纸卷，卷住生菜、青瓜、甘笋,、粉丝、鸡丝同扎肉，非常清爽有口感。
越式牛汤面档既然主题有越南元素，粉面档当然主打变成供应越式牛河啦。我就黐人哋碗河粉嚟试试，确喺唔错㖞，个牛骨汤浓而不浊，除牛肉、牛腩、猪肉丸，仲有好多配料。河粉唔啱嘅话，亦可以拣檬粉或金边粉。
慢煮鲍鱼、烧美国肋骨牛肉、扒大虎虾、热盘喺时候都介绍吓啲热嘢啦，占嘅区域亦都较大，鲍鱼、烧牛肉、扒虎虾自然喺亮点，而其他嘅热盘都有好多款式，凭相记录包括有炸越南猪肉春卷、香茅羊T骨、黑松露牛油焗蚝、越式烧鸡、蒜茸鱼露炒菜、芝士忌廉焗薯仔、巴黎牛油焗田螺、蜜糖法国芥茉焗猪排骨、法式鸭腿烩白豆、越式咸柠蒸鱼、越式蕃茄烩牛面颊、椰香斑兰饭……等等，睇名都知有唔少喺主题菜式。
小弟就一口气砌咗一碟热食，胃纳有限，都喺拣啲心水嘢。鲍鱼果然好入味，口感柔韧有咬口；肋骨牛肉肉味浓，T骨羊亦比预期 好，烧得焦香，肉质软腍；扒虎虾亦都好正，虾肉极之弹牙，充满虾鲜味！仲有，焗田螺同焗蚝都好食。食完都有八乘几人饱，想再食多一转热盘嘢都有啲难，因为，留肚叹甜品。
甜品区所有甜品都摆晒喺近门口一处，款式多，又色彩缤纷，更有唔少喺主题甜品，细细一数，有歌剧院蛋糕、法式国皇饼、法式柠檬挞、法式杏仁甜饼、西米香芒、越式焦糖布丁、咖啡奶冻、香辣马卡龙、柚子果冻、法式焦糖炖蛋……等等，卖相确喺吸引。
都仲未完，另一边仲有好几款，包括法式苹果批、越式水果捞、心太软、香蕉煎饼。小弟就睇啱苹果批同心太软喇，一定要试试。
最后冲刺，连埋心太软就一口气扫咗11款甜点，算喺试咗绝大部份款式。综合而言，质素比预期好，歌剧院蛋糕同法式柠檬挞做得好有水准，辣味嘅马卡龙几有惊喜，而柚子果冻食起嚟好清爽，焦糖炖蛋就醇甜嫩滑富蛋香。心太软亦都好唔错，虽未至好流心，但内心软滑浓郁。
Häagen-Dazs雪糕结尾，个胃仲有虚位，加上见有啲口味未食过，就试番两杯：柚子马卡龙同抹茶口味。雪糕嘅质感软滑富奶香，前者柚子味十足，又有啲马卡龙碎碎混在其中，而后者嘅抹茶味非常突出。
饮品自助区 虽然无乜点影到自己饮乜，其实，成晚用餐就不停饮果汁，到最后就咖啡配甜品，食完晒嘢，冲杯柠茶嚟舒缓吓！此外，仲有好多唔同口味嘅茶包，用上川宁，算有诚意啦。
今晚算喺试咗唔少嘢，整体嚟讲感觉唔错，尤其一啲主题菜式，加上环境又几舒服。
张贴
