堅石燒 (已結業)

Happy Friday去旺角食晚餐，本身想去食烧肉放题，但系朋友唔食牛肉，所以就拣咗嚟食石板烧，可以自己拣烧边种肉🍗🥩🥓，餐厅唔少肉类都有3种份量选择（200g、300g、400g），可以灵活啲拣食几多，烧得生啲定系熟啲、㶶啲定系多汁啲又可以由自己控制（当然都好考验自己嘅烧肉功力😎）🐷韩国五花肉五花肉偏肥少少，脂肪多过肉，石板嘅高温逼出油脂，烧到咋咋声，五花肉咬落去油香四溢，油脂包围住整个口腔😋另外餐厅有个自助吧，雪浓汤、意粉、白饭、饮品一应俱全，沙律就预先用一个个食物盒装住，比较卫生放心😌