客滿庭

营业中

休息中

黄大仙咁多间酒楼入面，客满庭算系比较有特色。除咗传统嘅点心，佢仲有客家风味嘅菜式。传统嘅点心方面，虾饺、烧卖、春卷等等必备嘅点心佢哋都保持到一定嘅水准，而且相比起其他酒楼，点心亦都相对比较大件，非常抵食。但系最值得推介嘅，就系佢哋嘅咸鸡饭同埋叉烧饭。咸鸡饭啲鸡整得入味，而且份量够多，唔会出现返多个鸡嘅情况。叉烧饭有别于平时食开嘅广东蜜汁叉烧，反而有少少似日式叉烧，感觉健康啲之余味道有几新鲜。两个饭星期六要等到11点之后先至可以叫，但系都值得等嘅。服务方面，见其他食客都讲咗，街坊嘅感觉啦，可能因为限聚令之前坐得比较多人佢哋比较忙，服务唔算非常殷勤，如果坐咗出去露台，都几难叫到人帮手落单或者斟水。