任你點車仔麵 (已結業)

唔好以为嚟到深水埗净系得出咗名𠮶间车仔面可以食呀，原来入少少仲有一间车仔面都好好味，格局都系差唔多，汤底亦都好浓郁，亦都有好多款𩠌菜俾你拣，最重要系佢啲可乐系用玻璃樽装，超正，佢哋又分咗酸辣同麻辣俾你拣每种辣到亦都有小中大俾你选择，我就拣左麻中辣，辣到都几劲，如果唔食得辣嘅朋友拣小辣好了，因为当啲面索晒啲汤底之后就会越食越辣，如果再加上你叫嘅𩠌里便系有蔬菜，就更加会索到啲辣汤令你更加辣，诚意推介猪大肠，因为好入味，亦都好林好软身，至于冬菇亦都好香，本身见到佢张纸上面写住秘制猪红，但是完之后感觉比较逊色，味道略嫌唔够，但整体来讲成碗面嘅味道都算唔错，至于花胶亦都系味道略嫌唔够，比较淡味，但自家制水饺有惊喜👍🏻，整体黎讲汤底浓厚已经好加分了。。。