大喜屋

营业中

休息中

时隔半年再次回访呢间人气小店，主打日式任饮任食放题，而且听朋友话佢哋最近仲出咗个新menu，竟然可以任食烤榴梿呀🩷 仲有榴梿椰皇奶冻、虾球伊面等特色料理，相信唔少人都系冲佢而嚟，平日晚上好full，记得要预先book位！一坐低即刻揿咗盘榴梿烧，数量有限，售完即止，好惊冇晒😂 金枕头烧完之后更加香甜，外层微焦，内里软熟，榴梿爱好者表示十分满足～ 榴梿椰皇奶涷亦系今期限定item，上面铺咗满满嘅榴梿蓉，配著奶冻感觉无咁腻🤤 猫山王炸榴梿外层薄脆，内馅又热又软糯仲会爆浆，另外千万唔好错过两款榴梿雪糕，淡淡香气，赞呀！正常嚟讲嚟得呢度都会食刺身同寿司，卖相精致，味道鲜甜，而且有火灸版本，大人小朋友都啱、炸物、烧物同串烧同样美味，例如羊架、比目鱼、鸡翼、炸鲜奶、乳鸽都可以叫吓～ 不过个人反而最欣赏嘅系熟食，必点之选有金汤慢煮鲍鱼花胶盛、金蒜炭烧广岛蚝同上汤虾球伴面，尤其是系避风塘鱿鱼，爽口弹牙，酥脆可口，encore咗好多次都食唔厌🥺 自助区有沙律bar、小食、饮品同甜点🍦 记得要留肚食椰汁海燕窝鲜奶同乌鸡汤，仲有忌廉泡芙、柠檬挞、海盐曲奇大福、水蜜桃大福、朱古力/草莓/柠檬芝士mousse、c