味火鍋 (華僑商業中心)

想孝顺几时都可以，今次专登同妈咪来味火锅到食好野， 因我知佢钟意食打边炉又钟意食海鲜呢到绝对满足哂佢 d 要求。味火锅一个价钱已经有齐火锅四部曲⬇️⬇️⬇️1️⃣ 自选头盘 ～ 我地两人都选择左芝士焗波士顿龙虾配菠萝蕃茄莎莎酱， 佢用左大量芝士去焗龙虾又几正㖞。2️⃣ 自选汤底 ～ 特浓芫荽皮蛋鲮鱼球汤锅 + 特浓喇沙海鲜锅， 前者清热气，锅内的鲮鱼球好弹牙， 后者我专登叫来放海鲜，喇沙的香浓更能带出海鲜的鲜甜。3️⃣ 皇牌火锅拼盘 + 美国安格斯牛肉拼盘 ～ 前者有北海道大元贝， 海虾， 鲍鱼，自家制手打墨鱼丸和虾丸， 广岛蚝，日式蟹棒，海鲜新鲜鲜甜满分， 后者手切牛小排，牛肩胛，封门柳，牛板腱， 要重牛味有重牛味，要嫩滑软谂亦有。4️⃣ 精选火锅配料 ～ 好多丸类蔬菜都有绝对饱住个肚走。呢到个雪柜超多野饮选择，汽水，茶类， 啤酒咩都有总有一款啱你饮。最后打个卡仲有 Movenpick 雪糕作结尾正呀！绝对对得住呢个价钱唔怪得咁多人book 枱食啦！