京香閣 (已結業)

上次系呢个广场食点心放题上电梯见到呢度晚市有做任饮任食，仲要有片皮鸭食!于是今个weekend就去试下!6点几黎到已经满左8成，一坐低见原来系好似buffet咁自己出去拎野食~有一张纸仔可以拣野食，选择有山东大包、小笼包、炸馒头、红油抄手同甜品等等既上海野~初头我仲以为系剔纸仔添~坐低冇耐侍应就摆左左花胶鸡汤同鲍鱼~按人头计一人一份~自助区有前菜有熟食有饮品，最吸晴就系申皮鸭区~有专人即切，有暧灯照住，切左出黎都唔怕d片皮鸭冻哂!外皮就用蒸笼装住，都几热下~平时食片皮鸭材料有张要就住食~呢度可以任食，任拎青瓜同葱都得!冷盘方面有新鲜沙律菜，仲配备橄榄油、芝麻酱可以加~仲有手拍青瓜，凉拌云耳等等，全部都腌得好入味，做前菜好开胃!热盘选择就有d小菜，最推介宫保鸡丁，又浓味又多鸡肉，腰果又够香!另外有上汤浸翡翠苗~食得多肉夹d菜黎平衡下几好!甜品系自助区都有得拎，分小丸子系列，有酒酿同姜汁两款，小丸子细细粒够烟韧，唔错!另外仲剔纸仔叫左几款点心同甜品~推介红油抄手!蒜味香之余抄手略带辣劲，味道唔错!高力豆沙亦系我心水之选!蛋白同豆沙既比例恰当，而且一个细细粒唔会太饱可以食多几款野~呢度入座起