常滿百家菜

营业中

休息中

今晚同屋企人去咗呢间荃湾酒楼食晚饭，数十款点心+火锅放题任食，最长仲可以食足5.5小时呀～😱一定包你食饱饱!!! 除咗点心同火㶽外，自助区仲有提供小食、老火汤、饮品同甜品雪糕等…点心有数十款选择，食几多叫几多😋点心即叫即整，热辣辣上枱。阿妈最钟意虾饺皇，大大粒虾饺，晶凝通透，虾肉爽牙。阿爸钟意食炸云吞炸得好香脆，仲有甜酸汁。烧卖同样大大粒，我钟意流沙包，入面好流心😍口感软熟，点心品质有质素👍🏻火锅汤底有几款煲底选择，有麻辣、沙嗲、香茜皮蛋、猪骨、野菌豆腐等等…新推出仲有椰子炖鸡汤锅，汤底好清甜。火锅配料有海鲜、猪牛、手打丸等…仲有本地滑牛，颜色新鲜。其他配料自助区都可以取，真系食得好饱好开心!!!甜品仲有豆腐花、姜汁蕃薯糖水、红豆沙、雪糕、啫喱、布甸、马豆糕等…仲包啤酒🍻汽水任饮。