麻辣派對 (已結業)

之前同男友去完大陆，食完探鱼后话几正想再食，我话其实香港都有架，就揾左呢间麻辣派对佢试一入到去个格局都几似探鱼，暗暗地几好FEEL，同埋入到去阵麻辣味已经搞到流哂口水，即刻坐低叫野食。我地叫左个二人餐，有一个小食一个小菜一个主菜两杯野饮加甜品，几抵。小食我地叫左口水鸡，麻麻地唔算好辣，啲鸡好滑身爽口，身量都多，一人搞到五六旧，平时食口水鸡得好少今次可以狂食！小菜就叫左个干扁四季豆，炒得好干身，四季豆爽口清甜，食完口水鸡岩哂，中和返。到主菜啦，成日听人讲酸菜鱼好食，今次到我地试下，果然OK！酸菜汤更加突出到鱼既鲜甜，同埋佢地个鱼叫黑鱼，肉质又滑又弹牙，份量都好多，我地几乎食唔哂，真系好爽系咁食。野饮就一人一大杯水果茶，清清地饮完都无乜罪恶感。最后就食埋甜品桂花冰粉，侍应话食黎解辣㖞，都真系几WORK呢间味道好份量多又唔算好贵，一定会再黎食下其他！