馬場洞烤肉專門店 (新城市廣場三期) (已結業)

系沙田新城市广场嚟讲韩国菜既选择并唔算太多，而呢间马场洞烤肉系其中一间食韩国嘢既～而今次算系比较早去食，所以都唔洗点等位～而呢间除左食烤肉之外，都有其他韩国菜食，而今次都无食烤肉，而系食牛骨锅，另外亦加左一份水冷面～首先餐厅既冷气就唔算太大，尤其系食呢啲烤肉同锅既话，冷气既温度都比较重要，而呢间餐厅一坐落已经有啲热，而佢系中央冷气又唔开大啲，虽然有同职员反映但佢地都无计，只有建议我地调位，最后就嫌麻烦就无调位算啦～而上菜之前店员都会拎啲泡菜等等既前菜比客人食，而份量同质素都唔错，系令人开胃既前菜～而牛骨锅既份量都好大份，佢会先上一个gas炉，再有一个十分大既热锅摆上去 ，入面有大概十几旧牛骨同汤底，汤底就似大酱汤底果类，带有啲啲辣，而每旧牛骨都有肉既，而份量真系好多，虽然价钱唔算特别平，但以呢个份量黎讲都要两至三人share先搞得掂😂而个水冷面都做得唔错，个味道都好正，面既质地因为够冻所以十分弹牙，食落亦都好爽，配合埋黄芥辣食亦加上小小辛辣更佳👍🏻总结呢间韩国菜既价钱并唔算十分平，但食物既份量就好多下，味道就正常韩国菜啦～