韓正屋韓國料理 (海壩街)

营业中

休息中

去开荃湾同朋友交收，食埋晚饭先返屋企，朋友介绍食呢间韩式家庭料，佢话大份夹抵食。天气太热，朋友叫个韩式荞麦水冷面，汤底酸酸凉凉，令人开胃，d面仲爽口弹牙，唔系痴埋一旧，自己系屋企整永远整唔到呢个口感。食韩国菜，点少得牛肉石锅拌饭，石锅拌饭一上枱滋滋声，仲整到饭焦，脆トト好正，捞埋多种菜嘅配料，口感好丰富。食个铁板烧牛肋骨肉都好味，烧到好香，好juicy有油份但肉质不会过份油腻，好味。我自己因为想食辣，所以叫咗个辣豆腐汤，好多料同醒胃，佢跟埋个饭俾你。整体味道好满意，份量大大份，又美味，超抵食，大食积嘅我地唔怕食唔饱呀。