億饍 (已結業)

由于枱细，叫咗3样嘢食住先，原来系好事，我地首先叫咗咖哩牛根腩同蒜蓉包，咖哩牛根腩得6件牛腩，大约半只麻雀咁大件，够晒淋，但系无牛味，咖哩汁亦唔好味，薯仔都够淋，有3，4旧仔。蒜蓉包有5件，面好香脆，但系个底好淋，仲有啲un, 咖哩汁又唔好味，点嚟都无谓。后来仲叫咗个煎流心芝士肉饼，哗！咁细块嘅，仲细过我手拳，仲有好多油，个肉饼似煎咗一边，另一边无煎过，芝士都无乜，所以唔多觉有芝士味，肉饼正常味道，食完呢3样嘢唔敢再叫，走人去第2间再食过。