神虎麺商店

营业中

休息中

继上个月自己去左神虎试佢个拉面之后，今日忍唔住都带女朋友去食下，比佢系去日本之前感受下有日本风味嘅拉面。今次夜左少少去，要等15分钟左右先入倒去。一坐低，我见好多客都叫左沾面食，我再睇睇餐单，沾面系有得拣份量 (200g / 300g)，咁岩我劲饿。即刻叫左300g。女朋友就试左"海老虎"，因为就算系香港定日本都好少可有得食虾汤拉面。神虎沾面 ($122)一上枱，份量真系好足，正常男士饿饿地当dinner食一定饱，呢一点要赞下。香港真系唔系咁多间卖沾面嘅店肯做呢个个份量。讲番个汤，鱼介豚骨汤，个碗系十分热。冬天黎讲唔会食面食到一半就冻左。鱼介味道无太出，呢点反而岩我，我自己个人喜欢豚骨味重一点。面质方面，基本上系完美，重点系有得拣冷面，挂汤力十足。叉烧2片正常size，蛋有1只，整体份量 100分。海老虎 ($103)女朋友食嘅海老虎都算几特别，佢碗上面比嘅樱花虾米量好多，食到最后饮汤都每匙都有，虾米为拉面带黎一D海鲜嘅鲜味。感觉佢系有加少少虾油，成个汤再上多一个层次。 而面质算系唔易淋，食到最后都弹牙。