반찬앤쿡 Banchan and Cook (東薈城名店倉)

营业中

休息中

难得去东涌东荟城，见到呢间超人气韩国餐厅，佢系以LULU猪做主题，真系可爱到不行不行，所以佢无论几多点都咁多人。佢每款食物同甜品都非常高质，有姿势有实际，碟碟都超大份，完全系跟足韩国传统，而且上菜速度仲好快。一黎叫左焦糖脆脆觧奶咖啡同士多啤梨觧奶咖啡，够哂冰冻，好岩我口味，香香甜甜。第一样到既食物己经令我好惊喜，炖牛肋骨蛋包饭，真系无叫错，炖牛肋骨入味到癞，好软嫩，个流心蛋包饭一D都唔Hea，蛋汁香到呢~真系好好食。之后同一时间打2个大佬，蜜糖炸鸡同部队锅拉面，真系不得了。比我想像中大份好多，炸鸡好滑，完全系韩国水准。如果你系好怀念韩国X村既炸鸡，呢间Banchan & Cook绝对唔会令你失望，佢既调味咸甜适中，炸粉好薄，一咬落去就是juicy 的鸡，食过好多韩国炸鸡都唔系咁易揾到真系好食既。部队锅正常发挥，不过建议一定要食部队锅先，我就系太沈醉狂食炸鸡，搞到面有点放凉左，但都仲系辣劲十足。到左尾声，杂莓牛角包窝夫甜品，以为主题餐厅甜品只系得个靓字，点知又几好食啵，都系简简单单材料，但非常新觧。仲好夹咁配左生忌廉，同平时配开雪糕既又有另一番风味。