捌加廿陸天婦羅居酒屋

营业中

休息中

今日同朋友去尖沙咀食天妇罗丼饭，估唔到又唔错又几好味，价钱唔算太贵，都几抵食。入到去佢地嘅装修都几日本feel,仿似喺日本食饭咁。叫咗2款小食，鸡软骨同唐扬鱿鱼须，2款炸物都唔错，外皮炸得脆卜卜，入面仲保留肉汁，好味。特盛海鲜天丼呢个天妇罗丼都几丰富，有好多𩠌，包括虾，广岛蚝，鲜带子，虾胶，本菇，四季豆，每款嘅天妇罗嘅炸浆都好簿，好脆，完全唔油腻，d海鲜都好新鲜，炸蚝劲肥美，炸带子劲大只，每款都几好食，唔错。唐扬炸鸡丼d炸鸡味道非常好，鸡肉保持嫩滑，外皮炸到啱啱好，唔会太硬，个丼跟埋个面豉汤，饮落都几浓郁，好味。