影片
更多
2019-10-08
1403 浏览
听旧同事讲联和墟其实都有唔少餐厅又平好食，成日都行开呢头但都唔多知。今晚就去左马会条街既呢间平民上海野试一试。餐厅望似普通既茶记，唔望清楚或者入黎食都唔知系上海野黎。想放愈多枱招呼愈多客人系好既，但放到出入有少少困难就可能要执执位。Menu见到野食价钱绝对唔贵，而且见开既上海野都算齐。Partner话叫手撕鸡同茄子斑腩，我样样都岩食，系想个餐跟个菜饭同汤面。手撕鸡跟汤面黎得算快，个鸡一上黎就闻到好香既花椒同蒜味，仲以为佢会好辣，但又唔辣，只系麻同香。想食辣既，大可以叫口水鸡。汤面都唔系求求其其，望都几好，汤都唔系淡而无味既渌面水，但可惜既系个面渌得太奈，林左。手撕鸡既份量唔少，肉质都嫩，够味、够麻、够香，唔错。当然，鸡个底一定浪左几旧青瓜，但唔算多，而且有个汁可以捞，有几旧好似拍青瓜咁既瓜我仲开心。至于个茄子斑腩，可能因为唔算多人叫，厨房要即叫即整，所以一上黎热辣辣，鱼柳仲脆，只系要等佢十分钟左右，好在我地清左个鸡佢就到。茄子煮得够林，鱼柳size ok，炸浆唔会太厚。个送既酱汁好够味，算系浓味既汁黎，送饭就岩，不过其实都几油。见佢餐牌有d野食有个辣椒符号，而呢个送冇，但佢就偏偏系辣既
今晚就去左马会条街既呢间平民上海野试一试。餐厅望似普通既茶记，唔望清楚或者入黎食都唔知系上海野黎。想放愈多枱招呼愈多客人系好既，但放到出入有少少困难就可能要执执位。
Menu见到野食价钱绝对唔贵，而且见开既上海野都算齐。Partner话叫手撕鸡同茄子斑腩，我样样都岩食，系想个餐跟个菜饭同汤面。
手撕鸡跟汤面黎得算快，个鸡一上黎就闻到好香既花椒同蒜味，仲以为佢会好辣，但又唔辣，只系麻同香。想食辣既，大可以叫口水鸡。汤面都唔系求求其其，望都几好，汤都唔系淡而无味既渌面水，但可惜既系个面渌得太奈，林左。手撕鸡既份量唔少，肉质都嫩，够味、够麻、够香，唔错。当然，鸡个底一定浪左几旧青瓜，但唔算多，而且有个汁可以捞，有几旧好似拍青瓜咁既瓜我仲开心。
至于个茄子斑腩，可能因为唔算多人叫，厨房要即叫即整，所以一上黎热辣辣，鱼柳仲脆，只系要等佢十分钟左右，好在我地清左个鸡佢就到。茄子煮得够林，鱼柳size ok，炸浆唔会太厚。个送既酱汁好够味，算系浓味既汁黎，送饭就岩，不过其实都几油。见佢餐牌有d野食有个辣椒符号，而呢个送冇，但佢就偏偏系辣既，好在唔算太辣，加埋杯冻既菊花茶就岩。
个菜饭同张相一样，d菜唔系好平均，好在入面都有菜，唔系就得半个菜饭，另外一半系白饭。
清淡唔算甜既菊花茶，冻既解辣岩哂。
两个餐加埋饭同面，份量都好够。同枱见对面两位公公婆婆叫左醉鸡黎食，六十蚊但份量多到我地同佢地都有d惊讶，同埋我都闻到几香花雕味。下次再黎食应该会叫，同埋都想试下鸡丝粉皮、小笼包果d小食。
整体黎讲味道唔错，由其呢个价钱，晚饭未知食咩既，可以一试。
张贴
