茶寮 京都仁王門 (已結業)

要排一陣隊，睇嚟有一定人氣。雖然環境唔係十分寬敞舒適，但至少唔算迫。職員態度亦積極有禮。坐低無耐就叫咗個咖喱吉列廣島蠔蛋包定食+黑蜜椰奶紅豆豆乳。咖喱吉列廣島蠔蛋包定食：隨餐附送綠茶&味增湯，綠茶清淡，適合唔鍾意太苦嘅人，味增湯亦味道適中。至於主角，蛋唔會過熟，咖喱味都可以，吉列蠔雖然算唔上好juice但亦夠蠔味。黑蜜椰奶紅豆豆乳：一開始飲都有少少椰奶、豆奶味，但啲冰開始融之後就偏淡，建議大家叫少冰，整體味道係唔錯嘅。