糖心軒

营业中

休息中

喺西环想揾个企企理理，坐得舒服嘅地方饮茶，所以黎到上环Ibis酒店里面嘅糖心轩，星期六11点几到，人流不少。座位唔算好逼，侍应服务都唔错。叫左一系列基本点心，虾饺好大粒，蒸起胀卜卜非常吸引，里面嘅虾都好完整同新鲜。烧卖亦系大大粒，卖相吸引，咬落几弹牙，山竹牛肉，牛肉肠粉，叉烧包等都非常不错。干炒牛河略嫌多油，不过几有镬气。仲叫左煲凤爪排骨蒸饭，凤爪几大只，配上排骨同豉油，怀旧得黎又饱肚。值得一提系马拉糕好好味，松软得黎唔会太甜！西环都好多酒楼，但要唔同人逼又饮得舒服嘅选择唔多，糖心轩绝对系中上之选！