茶餐廳2.0 (已結業)

今日818星期日，一行四人谂住食个lunch先出铜锣湾，呢间新开咗咁多人都未试过，而且平时见佢早餐时间都唔少人食，谂住试下啦。见lunch餐牌都唔平，58蚊一个餐，但都要等咗阵位，我叫咗A餐越式猪肉饭，size同份量好似下午茶咁，试一啖啲肉，哗，咸到喊，再送啖饭食都顶唔顺，真系食唔落，即刻㩒制转咗个F餐星洲炒米，呢个都算正常返，但要我用58蚊食个下午茶份量，又无餐包无餐汤之下，得杯热饮嘅lunch，中晒伏啦。另外朋友个蒜香榄油天使面评价反而极端到爆，话无乜味，唔知食紧咩，哗，真经典，其实仲有两个餐都有问题，唉，其实个厨有无试味㗎？！如果短时间内都无改善，真心祝你生意兴隆。