影片
更多
2024-02-05
1019 浏览
烧乌头 $142我谂呢个可以系今餐MVP, 原条鱼上, 鱼质尚算可以, 中间夹咗香芧香料嚟烧, 所以鱼肉食落有淡淡独特香味, 但你话系咪好有惊喜呢? 又真系称唔上炸虾饼 $79不过不失, 呢个份量算系咁, 有8旧半件红咖喱(牛) $78牛肉片偏细, 而家我食咗好几件都有筋, 口感麻麻地有配菜喺入面, 但香料味唔系好出, 同我想象中嘅味道有出入泰象馆招牌炒饭 $93第一次食呢间餐厅, 见佢话自己呢个系招牌梗系要试吓, 一上枱我已经隐隐觉得出事, 结果真系! 唔系话佢冇配料, 但𠮶一堆嘢原全冇味, 外面以蛋网包埋, 但冇帮到手, 冇蛋香猪颈肉炒芥兰 $74同样地, 佢啲猪颈肉片偏细, 兼且我expect佢系有轻轻烤过啲肉先, 至少用得"炒", 我都会expect佢系香口啲, 结果并没有, 所以又系有落差海南鸡饭 $63基于佢𠮶炒饭份量俾我地想象中细, 所以后加个饭, 当时已经唔敢再叫炒饭/炒河𠮶类啦, 谂住平啲叫个鸡饭算但你又真系估佢唔到个鸡饭可以差到咁最基本净系啲鸡肉好"鞋"你已经搞唔掂, 然后啲油饭又系冇味...串烧三拼 (猪+牛+鸡) $85呢个我会话排第二, 份量正常, 肉质正常,
我谂呢个可以系今餐MVP, 原条鱼上, 鱼质尚算可以, 中间夹咗香芧香料嚟烧, 所以鱼肉食落有淡淡独特香味, 但你话系咪好有惊喜呢? 又真系称唔上
烧乌头
$142
41 浏览
0 赞好
0 留言
炸虾饼 $79
不过不失, 呢个份量算系咁, 有8旧半件
红咖喱(牛) $78
牛肉片偏细, 而家我食咗好几件都有筋, 口感麻麻地
有配菜喺入面, 但香料味唔系好出, 同我想象中嘅味道有出入
泰象馆招牌炒饭 $93
第一次食呢间餐厅, 见佢话自己呢个系招牌梗系要试吓, 一上枱我已经隐隐觉得出事, 结果真系! 唔系话佢冇配料, 但𠮶一堆嘢原全冇味, 外面以蛋网包埋, 但冇帮到手, 冇蛋香
猪颈肉炒芥兰 $74
同样地, 佢啲猪颈肉片偏细, 兼且我expect佢系有轻轻烤过啲肉先, 至少用得"炒", 我都会expect佢系香口啲, 结果并没有, 所以又系有落差
海南鸡饭 $63
基于佢𠮶炒饭份量俾我地想象中细, 所以后加个饭, 当时已经唔敢再叫炒饭/炒河𠮶类啦, 谂住平啲叫个鸡饭算
但你又真系估佢唔到个鸡饭可以差到咁
最基本净系啲鸡肉好"鞋"你已经搞唔掂, 然后啲油饭又系冇味...
串烧三拼 (猪+牛+鸡) $85
呢个我会话排第二, 份量正常, 肉质正常, 唔会话烧得太耐好干身, 沙嗲酱(另上的)都几好味, 如果俾多啲会更好haha
椰汁珍多冰 $29
全晚最恐怖系呢个, 我未饮过有酸味嘅珍多冰, 我初头都惊系自己味觉有问题, 但俾同行另外2位饮过都试到咁就真系冇屈佢喇
然后啲绿色条条口感好差, 0味, 我出面饮𠮶啲都唔系咁
//最后, 真系要利申返我同屋企人都唔系重口味嘅人, 冇味真系冇味, 我唔系haters, 平时啲食评都系有𠮶句讲𠮶句非打手, 所以食完餐饭出咗门口, 我真系好怀疑啲好评喺系边度嚟, 定我咁啱唔好彩, 佢地平时水准唔系咁, 但我唔会知, 因为我就唔会再试喇XD
但餐厅啲职员服务态度系好好嘅, 舖内空间比较窄, 佢地好主动问我地驶唔驶用挂钩放袋, 我地走𠮶阵差啲漏嘢佢地又即时提醒, 不过我只能话食物质素先系根本
张贴
