影片
更多
2024-05-29
337 浏览
咁既价钱。伏！今日3个人book左枱20:30食饭谂住倾下计，上到去枱都未Set就全场得4枱好啦。睇下Menu有咩食，谂住价位都唔系叫低都唔会点出事，睇睇下有个呀姐行埋黎介绍是日精选，点知佢一口气讲左10样野？唔系觉得我会记得晒？ 冇理佢之下叫左自己食既野，round 1 食食下冇啦啦队左3只鸡翼上黎，我地成头问号❓佢放低左讲「鸡翼」就走左，叫都叫唔切😱明明我都冇叫？跟著叫返佢返黎啦⋯⋯话我都冇叫过，佢下一句就话咁要唔要？ 唔要帮你Cancel, Btw唔系要唔要既问题，不如你睇下单先，你叫佢去睇单～点知原来佢落错枱！我真系成头问号！计埋我先得6枱，有3个Staff , 试下唔好rush到好似食紧红茶咁👀之后叫左个Menu试写既日本蕃薯串，明明Menu上面图都系日本蕃薯🍠点个黎到系甜著粒，我问呀姐系咪黎错左佢答我：系呀，我地转左用呢个甜薯粒，因为冇日本蕃薯呀，重点Menu冇写转左，落单冇讲，落单净系讲左一定要两串起，我话咁帮我Cancel佢，根本图文不符，唔好是但俾d类似既野我当系，本人都系做饮食，甜薯我叫货$19@1包，你冇卖你一系系Menu写sold out,一系落单时麻烦叫同事讲
咁既价钱。伏！
今日3个人book左枱20:30食饭谂住倾下计，上到去枱都未Set就全场得4枱
好啦。睇下Menu有咩食，谂住价位都唔系叫低都唔会点出事，睇睇下有个呀姐行埋黎介绍是日精选，点知佢一口气讲左10样野？唔系觉得我会记得晒？
冇理佢之下叫左自己食既野，round 1 食食下冇啦啦队左3只鸡翼上黎，我地成头问号❓佢放低左讲「鸡翼」就走左，叫都叫唔切😱明明我都冇叫？
跟著叫返佢返黎啦⋯⋯话我都冇叫过，佢下一句就话咁要唔要？ 唔要帮你Cancel, Btw唔系要唔要既问题，不如你睇下单先，你叫佢去睇单～点知原来佢落错枱！我真系成头问号！
计埋我先得6枱，有3个Staff , 试下唔好rush到好似食紧红茶咁👀
之后叫左个Menu试写既日本蕃薯串，明明Menu上面图都系日本蕃薯🍠点个黎到系甜著粒，我问呀姐系咪黎错左
佢答我：系呀，我地转左用呢个甜薯粒，因为冇日本蕃薯呀，重点Menu冇写转左，落单冇讲，落单净系讲左一定要两串起，我话咁帮我Cancel佢，根本图文不符，唔好是但俾d类似既野我当系，本人都系做饮食，甜薯我叫货$19@1包，你冇卖你一系系Menu写sold out,一系落单时麻烦叫同事讲声，唔好揾样野上枱之后话转左！
总结：
3个人埋单折左$1240，唔叫平唔叫贵，但唔系咁既服务，建议老板唔好揾做开红茶既人黎炒散，成间野睇上去好似好好咁，野食唔特别讲。但成个档次俾位姐姐拉低晒，佢成个过程好急好急好急，但间餐厅咁既格局是咪应该要急到咁？ 我成枱都做饮食业，成枱都觉得呀姐唔系好掂，可考虑下放慢一下佢脚步，唔好令客人食得咁辛苦！本身谂住再叫野食，谂谂下都系收手！（本身唔系谂住有折先食，系见到佢openrice d 相面门唔错先 book位）
张贴