雅樂吧 (已結業)

早前上网买左团购，所以就趁今日得闲，相约朋友一齐去日航酒店既Lobby Lounge享受一下英式High Tea Set。一去到就觉得个环景好舒适，空间大，座位宽敞，仲有落地大玻璃，一路叹住个Tea Set一路欣赏窗外既街景，绝对系一种享受~至于食物方面，都值得一赞!简单精致既卖相，分三层摆放，有甜点亦有咸点提供，而且份量恰好，同朋友可以坐足一个下午。我个人推介烟熏三文鱼三文治，新鲜既三文鱼配上三文治，食落够鲜甜。其他咸点味道亦不错，有叉烧酥﹑蘑茹酥等，全部都够晒酥脆，美味香口。 另外松饼、蛋糕以及曲奇味道还不错，而我就比较中意朱古力贝壳蛋糕，够香够松软。甜点中既绿茶蛋糕同朱古力士多啤梨都好好食。绿茶蛋糕食落有香浓既绿茶味，绝不欺场。朱古力士多啤梨卖相吸引之外，食落口都VERY GOOD! 士多啤梨选材够晒鲜甜，配埋朱古力酱，正!! 不过每人得一粒，唔够食 环境舒适，Tea Set亦都非常不错，仲要咁岩有团购优惠，值得一试!