Y Pasta (已搬遷) 新店位置

放工后约咗朋友去铜锣湾行街同埋食好野～好彩一早订咗位，七点过后越黎越多人～呢间餐厅装修得令人有种休闲既感觉，正好俾我同朋友舒舒服服咁边吹水边食野威灵顿三文鱼配柠檬刁草汁 - 一层薄而松脆既酥皮包住嫩滑既三文鱼，食落外脆内软，柠檬刁草呢个汁本身都好清新，三文鱼沾上个汁，更令鲜味提升～另外不得不提既系佢个配草～沙律食得多，但今次佢配个士多啤梨酱真系好少食，个酱令啲菜变得酸甜，我都忍唔住食清 ～意式香草鸡翼 - 鸡翼焗得恰到好处，香草味都入晒鸡肉到，肉质唔会太韧，咬落仍有肉汁～太阳蛋烟三文鱼 - 系出面好少见成只生鸡蛋放落pizza到，一开头都只系抱住乜都试既心态去叫，但出到黎既效果居然令你有惊喜～薄饼饼底好脆，pizza既面仲布满芝士，本身烟三文鱼既味已经好香，再加上生鸡但令成个pizza 上面既三文鱼变得更滑～最后仲有好特别既朱古力茶，虽然饮落朱古力味唔太重，但闻落就有好浓既朱古力香味～