Dabyida Restaurant and Bar (已結業)

星期六系难得既假期，咁岩又唔洗番工番学，紧系同男朋友拍下拖去下好野食啦。之前见到dabyida有个baunch好吸引，所以系前一日已经book左位决定去试下菜喇。入到去之后细心睇下个环境其实真系唔错，铺位唔算好大，但系反而比较感觉到低调呢两个字。坐低左之后入面既侍应就比左份menu比我睇，由于我同男朋友比较中意据牛扒，所以我地好快就拣左两份碳烧肉眼牛扒配红酒牛油。落完单系主菜上之前，当然唔可以错过系出面bar既美食啦！我同男朋友出左去拎左两转野食之后坐多一阵，牛扒就上得喇。一望落去已经觉得好吸引，咬落有肉汁渗透出黎，食落口肉质好鲜嫩，仲有一阵淡淡既碳烧味。真系好好食，完全无令我失望。食完个主菜，侍应都帮我落埋餐后饮之后，身为女士既我就紧系进攻甜品啦！但系由于我去食既时间都比较晏，餐厅三点开始就收紧bar枱既食物。出面只系得番少少马卡龙，好彩我一入黎都有影都甜品架既相。但系餐厅既服务都好好，当我问店员仲有无甜品既时候佢都帮我拎番我想食既野出黎。所以我系每一样点左一份同男朋友share番黎食。不过可惜马卡龙我就认为太甜喇。