影片
更多
2021-05-26
186 浏览
难得放假，去咗千色汇行吓，见到pokka cafe星期一至五有供应tea set，好似几靓，价钱几抵，就去叹番个下午茶放松吓。Tea Set $268/2位，由沙律、咸点到甜点都有齐，包埋两杯嘢饮。松叶蟹肉牛油果蕃茄沙律卖相几精致，玻璃小杯底部装住蕃茄粒沙律，清甜可口；上面有爽脆嘅沙律菜，配上creamy牛油果蓉，鲜味蟹肉同埋黑鱼子，好好食。黑毛猪火腿配蜜瓜呢个配搭系不败嘅，清甜爽脆蜜瓜配上甘香咸香嘅巴马臣火腿，我最爱嘅前菜小食之一。鹅肝酱多士多士脆脆的，配上满满的鹅肝酱，分量几慷慨，creamy甘香；加埋黑鱼子，更加矜贵，而且好滋味。日式芝麻鸡翼鸡翼炸得金黄香脆，皮脆肉嫩，铺面嘅芝麻简直系锦上添花，令到鸡翼更加香口惹味。迷你鸡肉汉堡牛角包呢个超级好食，牛角包系热辣辣焗好嘅，金黄香脆，有牛油香，馅料仲有厚厚嘅鸡肉汉堡扒、蕃茄、清新沙律菜。汉堡扒肉质Juicy加上鸡软骨颗粒，口感丰富。鲜果吉士挞有四件，两种口味，蓝莓同埋士多啤梨，牛油挞载着绵绵嘅吉士，加上清新酸甜嘅生果，简单又美味。日式焦糖拖肥芝士卷焦糖加上拖肥，食落又唔系好甜㖞，配上湿润绵滑嘅芝士蛋糕卷，超级好味，但超级邪恶，不过感觉
Tea Set $268/2位，由沙律、咸点到甜点都有齐，包埋两杯嘢饮。
松叶蟹肉牛油果蕃茄沙律
卖相几精致，玻璃小杯底部装住蕃茄粒沙律，清甜可口；上面有爽脆嘅沙律菜，配上creamy牛油果蓉，鲜味蟹肉同埋黑鱼子，好好食。
黑毛猪火腿配蜜瓜
呢个配搭系不败嘅，清甜爽脆蜜瓜配上甘香咸香嘅巴马臣火腿，我最爱嘅前菜小食之一。
鹅肝酱多士
多士脆脆的，配上满满的鹅肝酱，分量几慷慨，creamy甘香；加埋黑鱼子，更加矜贵，而且好滋味。
日式芝麻鸡翼
鸡翼炸得金黄香脆，皮脆肉嫩，铺面嘅芝麻简直系锦上添花，令到鸡翼更加香口惹味。
迷你鸡肉汉堡牛角包
呢个超级好食，牛角包系热辣辣焗好嘅，金黄香脆，有牛油香，馅料仲有厚厚嘅鸡肉汉堡扒、蕃茄、清新沙律菜。汉堡扒肉质Juicy加上鸡软骨颗粒，口感丰富。
鲜果吉士挞
有四件，两种口味，蓝莓同埋士多啤梨，牛油挞载着绵绵嘅吉士，加上清新酸甜嘅生果，简单又美味。
日式焦糖拖肥芝士卷
焦糖加上拖肥，食落又唔系好甜㖞，配上湿润绵滑嘅芝士蛋糕卷，超级好味，但超级邪恶，不过感觉又唔会Heavy，食完都唔会觉得腻。
日式红豆绿茶慕丝
绿茶味香浓，慕丝幼滑，加上香甜嘅红豆，系经典不败嘅日式口味甜品。
士多啤梨慕丝牛奶布甸
粉红色嘅士多啤梨慕丝又好睇，又好味，配上香滑嘅牛奶布甸，令人无法抗拒。
马卡龙
有两款口味，朱古力同埋开心果，马卡龙外脆内软，带点烟韧口感，而且食到粒粒嘅杏仁碎粒。甜度系几款甜品之中最高嘅，但系都ok可以接受。
慢慢叹埋杯嘢饮，轻松渡过一个下昼。呢个tea set食得好满意，卖相靓又好味，价钱又经济。
张贴
