The Stadium (已結業)

星期日下午番左娘家同阿妈食完晏，下午茶就同老公又去观塘揾食。今次再黎到圣诞黎过既stadium 睇下下午茶有咩食。哗！一去到都几多人下，播住relax 既音乐，另一边又有人打紧snooker，所以感觉正好chill。我同老公叫左《Parma ham 配无花果》$88、《意式香菇手搓粉》$138、《白酒煮蚬》$138。无花果比想像中大，生熟程度刚刚好，再配上佢地既酱汁同Parma ham 一齐食非常夹，老公第一次食无花果就十分喜欢。我地系松露控所以叫左意式香菇手搓粉，加上手搓意粉会比机制有口感同无咁干身。佢一黎到卖相已红好好，仲好香菌味，原来佢地既手搓粉系比较短而厚身，松露汁亦好creamy，成个配搭好好，老公好快就KO哂。最后白酒煮蚬黎啦，系比较大只既蚬，一碟大概廿几只（其实都几多），而且仲好鲜味，d蚬吸哂白酒汁既精华我一个人都食左大半碟。为食总结：食物同餐厅都唔错，下次同大班朋友黎gathering 先！