風車

营业中

休息中

今日两点几放工之后去咗一间酒吧食嘢，贪呢度环境比较写意，坐嘅位置好舒服，一啲都唔会逼。餐厅播住一啲柔和嘅音乐。今日食咗个素千层面，另外佢会配埋啲薯角，即叫即炸热辣辣，配埋啲茄汁，好香口。呢个餐会包埋个沙律，今日可以食得健康啲。另外会包埋杯冻柠茶，埋单64元，咁就过咗一个休闲嘅下午茶。下次可以嚟试下呢度嘅烟肉芝士牛肉汉堡，见到隔离枱食，个卖相唔错。食完之后，呢度行返出去大围地铁站，大约五分钟左右，都唔会太远嘅。