Neko 熊穴

营业中

休息中

系西贡码头行咗5-6分钟终于揾到餐厅，简洁风日式装修，感觉明亮舒服，系平日下午入去坐咗7成满，店员话可以随便坐，入面有好适合打卡的榻榻米座位。坐低扫咗电子餐牌，叫咗卡邦尼乌冬、鲷鱼白汤乌冬配日式鸡肉串子、冻嘅煎茶玄米茶鲜奶、一壶焙茶，最后叫咗和风玄米茶班戟。我同朋友都觉得嘢食都唔错，鲷鱼白汤乌冬配日式鸡肉串子味道适合我，唔太浓；朋友就觉得卡邦尼乌冬味道浓啲会更好。焙茶系原片茶叶冲，茶香味甜甜地；煎茶玄米茶鲜奶，闻到玄米茶味，入口先是鲜奶味道然后有啲茶味！和风玄米茶班戟是一个唔错嘅甜品，有红豆同cream，旁边有糖浆，对我来说有点点太甜，朋友觉得ok。店员仲好好人帮我地壶焙茶添热水。题外话：系户外座见到有客人带住可爱嘅小狗同有一座客人带埋猫咪都可以入去餐厅入面。