影片
更多
2014-04-04
16754 浏览
以前都听讲过呢间嘢食物一般, 招呼又一般, 价钱都系一般, 唔通系地区性问题? 预早两星期已经用TABLEMAP订枱, 过两日有餐厅职员打嚟confirm个booking, 我当时已经问系咪用tablemap有discount, 佢又要我比个唔知咩no佢, 问佢系咪book枱果个confirm#, 佢又话唔系, 又唔清楚, 会问下同事, 然后第日打返比我, 但一直都冇, 都食buffet当日, 我早午打嚟问同一个问题, 呢个就答话叫我print返张book枱记录就得, 到去到食果阵, 个经理埋嚟问几多位, 要mark数时, 我再问多一次系咪有discount, 佢又话冇, 我重覆由头到尾讲返一次成个故仔, 佢先好勉为其难咁做返个discount比我, 都唔知佢地有冇沟通? 激死, 未食已经一肚气~ 开头唔知系咪时间尚早? 六点半左右, 只得几枱客仔, 而且全部都系人少少的, 所以觉得几舒服, 拎嘢又唔驶同人争, 慢慢行完成个圈先再拎食物都未迟............. 冷盘始终都系要嚟个冷盘打头阵~ 佢鱼生都系得四款, 我要咗其中三款(三文鱼、希灵鱼、立鱼), 全部都好新鲜
开头唔知系咪时间尚早? 六点半左右, 只得几枱客仔, 而且全部都系人少少的, 所以觉得几舒服, 拎嘢又唔驶同人争, 慢慢行完成个圈先再拎食物都未迟.............
冷盘
始终都系要嚟个冷盘打头阵~佢鱼生都系得四款, 我要咗其中三款(三文鱼、希灵鱼、立鱼), 全部都好新鲜, 而且都系厚切超正~
另外仲有d冻虾、冻蟹、冻青口、冻带子等, 望落都可以, 但我冇试匀, 所以不能下定论
仲有好多沙律配菜, 但我唔好, 所以冇掂过
热盘
食完冷盘成个人冻冰冰咁, 当然要食返d热嘢啦~ 虽然种类唔太多, 但好处就系可以食匀大部份~烧牛肉当然唔可以唔食啦~ 原本应该唔错, 因为唔太血林林, 但又唔会好熟, 最可惜系佢竟然厚切, 我都系第一次食咁厚切, 通常薄切到差不多烂, 咪以为厚切好抵食, 原来系唔好食, 因为厚切咗变un, 简直系嘥咗~
再试埋其他肉頪, 不过不失
至于蔬菜类仲少选择, 已经比我食匀, 但味道般, 始终蔬菜类焗得太耐系会由好食变唔好食
仲试埋个中汤, 虽然味道唔算好浓, 应该都系真材实料煲, 因为可以见到有汤渣
甜品
抖咗一阵, 唔想又食肉, 所以先试甜品, 反而甜品种类算几多, 当然唔可以食得哂, 但可以share食~雪糕当然唔可以唔食啦~ 佢系dryers, 但只得普通几款味, 唔知点解呢度d雪糕溶得特别快, 同自己响超市买的唔同, 所以如果唔快d食, 就变咗饮奶昔
仲有好多cake同糕点, 大部份都系偏甜, 但间中食少少都可以接受~
生果都有几多款, 特别在有d切咗皮, 有d冇皮, 真奇怪?
到咗差不多八点, 突然好热闹, 好多唔同国藉人士, 睇佢地应该系运动员, 似系打排球果d款, 佢地一嚟到就乜都拿嚟食, 仲要系用手就咁拎, 有d仲一路拎一路行一路食.................. 搞到我都唔想再拎果d嘢食, 唯有出去池畔睇下有乜烧烤好食...........
烧烤食品
个厨师系不停翻热d食物, 而唔系即叫即烧, 全部已经烧好哂放响度比你夹, 放都放到冻哂, 当然你可以叫厨师帮你返热, 味道都OK, 虽然大部份都系肉类, 冇乜海鲜, 但呢D食物都系唔好食咁多, 试过就算~清真食品
有一个角落系写明清真食物, 当然款式唔多, 又全部都系肉, 我只系每样夹咗少少嚟试, 好彩咋~ 因为大家口味唔同, 所以觉得麻麻地~饮品
有成两部咖啡机比你即煑, 其次都系得水同茶加柠檬, 当然有冰比你整冻饮啦~
总括嚟讲, 响沙田区, 呢间酒店都系次一等, 所以唔可以要求太高, 咁样你就会觉得呢餐其实都ok架~
张贴
