Green Waffle Diner (擺花街)

营业中

休息中

Green Waffle 係心目中必食餐廳之一，佢嘅窩夫一直都係最好食，今次去開中環就試吓中環分店，位於擺花街最上端，裝潢好有美式快餐店感覺，座位不算好多，但樓底夠高好有空間感。中環分店星期五六仲開到零晨3點添！煙肉薯粒鑊仔 $94 （baby）叫咗餐廳名物鑊仔薯粒，baby size 二人分享剛好。鍾意佢個skillet 夠晒熱，薯仔粒夠晒香口，配合煙肉、洋蔥、青椒等配菜，還有最好食的芝士，上面再加隻温泉蛋，味道和口感都極佳。不過個人就覺得cajan chicken 比煙肉更好食。自家製和牛漢堡配薯條 $208漢堡份量都好足夠，非常大個，和牛鮮嫩鮮甜，整體都不錯。原味窩夫 $34食完薯粒和漢堡其實都已經飽，但甜品是用第二個胃的，所以還點了窩夫。今次點了原味窩夫，沒有任何餡料和topping，只加牛油和楓糖漿，更能吃到窩夫原本的蛋香味道，而且外脆內軟，大讚。