影片
更多
2016-12-05
233 浏览
星期五收工，太太话book左枱约左一家人去食饭，睇menu已经好吸引，因为我收工迟左，最迟先到，上到去先知原来系私房菜。行到门口已经听到入面好热闹，开门见到全场坐满，果然别有一番风味，环境好光猛，又干净，最特别系有个开放式厨房，可以比客人用，店长话电池炉可以整简单食物。而厨房既另一边就系卖一啲手工皂等等既特别野。一坐低，由于头先赶住黎先饮啖野顺番条气先，暖暖地既菊花茶，冬天就啱晒。饮完茶即刻已经有前菜食，冰镇花胶食落同平日食到既有啲分别，比较有咬口，配上黑松露芝麻酱，够香口，有咬口，绝对值得再食。依次序就系哩个淮山杞子响螺鸡汤，汤同渣分开上，非常有诚意，饮得出冇味精，而且肯定系用左唔少时间心思去煲，亦见到非常足料，螺肉比外面既螺肉汤亦较多，鸡肉亦煮到较软身，平日无饭主妇既我汤水冇啖就啱晒。未饮完汤就上一个Dreamix双喜，其实就系炸蟹肉盒同埋炸蚝。蟹肉盒尼讲蟹肉系明显食得出系鲜蟹肉而唔系蟹柳肉，混合左蟹籽，增添左唔少口感。炸蚝，非常脆口，咸咸地既裙边中和左蚝既腥味，咬开仲有汁出，并冇炸到干身，食得出厨师非常有技巧。食左咁多野，休息一下倾一阵偈，店员就为我地上一道家.昌妈妈炆猪肉。哩一
行到门口已经听到入面好热闹，开门见到全场坐满，果然别有一番风味，环境好光猛，又干净，最特别系有个开放式厨房，可以比客人用，店长话电池炉可以整简单食物。而厨房既另一边就系卖一啲手工皂等等既特别野。
一坐低，由于头先赶住黎先饮啖野顺番条气先，暖暖地既菊花茶，冬天就啱晒。
饮完茶即刻已经有前菜食，冰镇花胶食落同平日食到既有啲分别，比较有咬口，配上黑松露芝麻酱，够香口，有咬口，绝对值得再食。
依次序就系哩个淮山杞子响螺鸡汤，汤同渣分开上，非常有诚意，饮得出冇味精，而且肯定系用左唔少时间心思去煲，亦见到非常足料，螺肉比外面既螺肉汤亦较多，鸡肉亦煮到较软身，平日无饭主妇既我汤水冇啖就啱晒。
未饮完汤就上一个Dreamix双喜，其实就系炸蟹肉盒同埋炸蚝。蟹肉盒尼讲蟹肉系明显食得出系鲜蟹肉而唔系蟹柳肉，混合左蟹籽，增添左唔少口感。炸蚝，非常脆口，咸咸地既裙边中和左蚝既腥味，咬开仲有汁出，并冇炸到干身，食得出厨师非常有技巧。
食左咁多野，休息一下倾一阵偈，店员就为我地上一道家.昌妈妈炆猪肉。哩一道菜非常特别，用上特别既古铜鼎装，下面加上微火可以保持猪肉唔会因时间而结油。准备开动既时候，店长送上一笼馒头，话将猪肉夹系馒头中间会比较好味。的确如此，猪肉比较多油，而且浓味，配上馒头中和，将猪油渗入馒头里面再食，系一等既享受。
食完一啲浓味既食物，菜单巧妙咁安排上虫草花上汤浸时疏，哩一味送非常丰富，菜芯比平日出面食到较大条同埋完整，配上虫草花同菇，滋味无穷。
再跟住就要讲埋个糯米鸭饭，听店员讲，鸭蒸左一日完全将鸭油逼晒出尼，渗入糯米饭入面，所以鸭肉唔会觉得漏亦都够晒软熟，至于糯米饭因为渗左鸭油唔会干，两样野取长补短，系一流既绝配。
糯米鸭同埋百花蜜脆鳝系一齐上既，脆鳝既皮炸到非常松脆，配上花蜜，甜甜地，正好中和食左咁多浓味食物，而且鳝既细骨好少，可能系师傅用心去左好多骨。
最后就系家.叶婆婆冬瓜，哩味送刚好用做总结，比较清淡，淡中带咸，因为冬瓜中间夹住金华火腿，而冬瓜蒸得非常适中，唔会硬亦唔会夹散。
成个菜单明显系经过精心安排，起承转合，由清淡慢慢到浓味再用番清淡中和结尾，无论菜式定系餐单都系非常有诚意，环境方面更加有番到屋企既感觉。
最后，临走前店长仲好好人地行过尼倾下计仲话送埋张即影即有比我哋，影埋相就正式结束哩个美食之旅。
张贴
