嵐山料理 (已結業)

当我知道有呢度既存在，已经系旺角既时代。呢晚行过呢头，就买左野比自已食。即管试下炸蚝同炸芝士得唔得？炸芝士呢个炸芝士条虽然得三条，但个味道真系唔错。有两只唔同既芝士，不过我唔记得叫咩名。记得深色既芝士系好食同香。另外浅色既芝士都几好食，不过就无咁重芝士味。炸蚝虽然十九蚊先有三件，不过又系好值得食。个蚝都算几大旧，而且炸粉唔厚。此外，个蚝都算几新鲜，真系好正。蜂蜜芥茉薯条呢个又唔错架，个薯条系新鲜炸。再配上惹味酱汁，个汁既味道好衬个薯条。辣辣地，真系好正。仲有，佢可以配鸡扒，只不过20蚊。不过个鸡扒就无乜特别。下次就试下炸羊扒，好似几好食咁。整体上都唔错，实有下次既。