名捌月 (已結業)

估唔到荃湾街边都会有呢啲高级嘅西餐厅，望到里面格调都几高尚，气氛都不错，所以就入咗去试吓啦。Menu上边都几多款选择，仲有套餐一set set俾你拣，但系我同朋友都唔系好食得多野，所以我哋就各自散叫左一个主食，但佢个主食都可以配餐汤同埋饮品，所以其实都几抵又丰富。餐汤到咗之后本身都唔知系乜嘢汤，但系一饮落去就已经好明显知道系一个蘑菇汤，佢唔同平时𠮶啲餐厅咁放忌廉，所以佢可以叫做一个纯蘑菇汤，非常之咁香蘑菇味。而佢配左啲餐包，啲餐包食落口感似麦包，都几特别，再配埋个蘑菇汤简直一流。主食终于到啦，呢个系日本霜降西冷牛扒，都有成八安士架，叫咗店员比七成熟，嚟到入口啱啱好，肉质鲜嫩，多汁。另一个就系松叶蟹肉蟹膏意粉，成个松叶蟹盖连埋啲蟹膏畀晒你，份量非常之多，亦都好鲜甜，而啲意粉佢用咗杂菌去炒，再加埋好多好多蟹肉同蟹膏一齐，变咗成个意粉好香蟹味，亦都唔会话腥味，值得推介。饮品佢亦都有好多选择，有特色饮品，右边呢杯就系菠萝特饮，系将菠萝汁沟梳打水，好香菠萝味甜甜地嘅有汽果汁，相当不错。